КОВИД-19: ажурирање за патувања во Танзанија (7 мај 2021)

Советодавно известување за патување од 7 мај 2021

Како одговор на појавата на нови варијанти на вирусот КОВИД-19, на 7 мај 2021 здравствените власти на Обединетата Република Танзанија објавија ново советодавно известување за патување, со неколку нови барања за патниците што планираат да ја посетат земјата. 

Накратко, овие барања не се многу различни од КОВИД-19 регулативите што ги имаат усвоено повеќето популарни дестинации за одмор. Не се претерано рестриктивни за патниците и, иако бараат неколку дополнителни чекори, нема да бидат пречка за Вашето патување. 

Советодавното известување, меѓу другото, го пропишува следново:

Забрана за сите летови од Индија

Сите летови до и од Индија, со исклучок на хуманитарните и другите летови одобрени од владата, се забранети до понатамошно известување.

Сите патници што ја посетиле Индија во последните 14 дена ќе подлежат на брз тест, по што следува задолжителен карантин од 14 дена во еден од одобрените хотели. 

Во известувањето не е наведено дали ова правило важи и за летови со преседнување на аеродроми во Индија, но се претпоставува дека важи.

Пополнување на онлајн формуларот за здравствен надзор на патници

Во рок од 24 часа пред пристигнувањето во Танзанија, секој патник треба да пополни онлајн формулар за здравствен надзор на патници, достапен на https://afyamsafiri.moh.go.tz/. 

За да го пополните формуларот, треба да ги внесете податоците од пасошот и Вашата понова историја на патувања (последните 14 дена). На третата страница ќе треба да ги внесете податоците за Вашиот домаќин во Танзанија.

Контактирајте со нашиот тим и ќе Ве упатиме кои информации да ги внесете таму. 

Кога ќе го завршите формуларот, системот ќе Ви додели посебен код; чувајте го додека престојувате во Танзанија.

Задолжително PT-PCR тестирање за влез во земјата

Секој патник што влегува во земјата треба да има негативен сертификат од PT-PCR тест, со примерок земен најмногу 72 часа пред слетувањето во Танзанија. 

Сертификатот треба да биде на англиски јазик или, ако е на друг јазик, да биде приложен официјален превод.

Брз тест при пристигнување

При пристигнувањето во Танзанија, сите патници треба да направат брз тест на местото на влез во земјата. Тестот трае 20-25 мин. На аеродромот може да има редици на пунктовите за земање примероци. 

Цената на брзиот тест е 25 USD, со плаќање во готово или со кредитна картичка (силно препорачуваме да имате и готовина и картичка, доколку една од опциите привремено не е достапна). 

Хигиенски мерки во земјата

Додека престојуваат во Танзанија, патниците треба да ги почитуваат вообичаените хигиенски мерки, вклучувајќи редовно миење раце, употреба на средства за дезинфекција и одржување физичка дистанца на места со поголема гужва (такви места во Танзанија има многу малку). 

PT-PCR тест за напуштање на земјата

Танзаниските здравствени службеници ќе побараат од Вас да прикажете сертификат за PCR тест ако тоа го бара Вашата авиокомпанија или земјата на Вашата крајна дестинација. 

Додека престојувате во Танзанија, може да се тестирате во една од одобрените лаборатории во земјата. Контактирајте со нашиот тим за повеќе информации.

Танзанија е безбедна!

Општо земено, заклучно со мај 2021, Танзанија останува една од најбезбедните дестинации за патување во светот. За разлика од популарните дестинации за одмор на плажа, локалните национални паркови имаат доволно простор за одржување физичка дистанца.

Покрај тоа, сите хотели и туроператори строго се придржуваат до Стандардниот оперативен протокол за КОВИД-19. Во документот се наведени заштитните мерки усогласени со најновите препораки на СЗО. Ние постојано ја следиме состојбата во хотелите и лоџовите на нашите партнери и, на наше задоволство, протоколот внимателно се спроведува кај сите нив. Туристичката заедница овде ја разбира важноста на безбедното и одговорно патување, а нашите посетители може да бидат уверени дека ризикот од изложување на КОВИД-19 во Танзанија е минимален.

Сакате да дознаете повеќе за патувања во Танзанија?

Стапете во контакт со нашиот тим. Ги познаваме најважните дестинации низ Танзанија, а нашите советници за патувања со база кај Килиманџаро се подготвени да споделат практични совети и да Ви помогнат да го испланирате Вашето патување.

Повеќе интересни статии